ចង់បើកក្រុមហ៊ុនទេសចរណ៍មួយត្រូវការលក្ខខណ្ឌអ្វីខ្លះ
?
រាជធានីភ្នំពេញ ៖
អ្នកកំពុងមានគម្រោងចង់បើកក្រុមហ៊ុនទេសចរណ៍មែនទេ ? ថ្ងៃនេះ ក្រុមហ៊ុន «ឌី.អិន.ខេ.អិល ប៊ឹសឺនេសខនសលធេន ខូ អិល ធី ឌី»
នឹងផ្តល់ព័ត៌មានលម្អិតអំពីលក្ខខណ្ឌនានា ដើម្បីអាចបើកក្រុមហ៊ុនទេសចរណ៍មួយបាន
។
យោងតាមឯកសាររបស់ក្រសួងទេសចរណ៍បានឲ្យដឹងថា
ការផ្តល់អាជ្ញាប័ណ្ណទេសចរណ៍ដល់ការីទេសចរណ៍ និងភ្នាក់ងារទេសចរណ៍ ត្រូវបានបែងចែកជា៤ប្រភេទគឺ
៖
១-អាជ្ញាប័ណ្ណទេសចរណ៍ ផ្តល់ដល់ការីទេសចរណ៍ដែលនាំភ្ញៀវទេសចរទៅកម្សាន្តក្រៅព្រះរាជាណាចក្រកម្ពុជា (Outbound Tour Operators) ។
២-អាជ្ញាប័ណ្ណទេសចរណ៍ ផ្តល់ដល់ការីទេសចរណ៍ដែលនាំភ្ញៀវទេសចរចូលមកកម្សាន្តក្នុងព្រះរាជាណាចក្រកម្ពុជា (Inbound Tour Operators) ។
៣-អាជ្ញាប័ណ្ណទេសចរណ៍ ផ្តល់ដល់ការីទេសចរណ៍ដែលនាំភ្ញៀវទេសចរកម្សាន្តក្នុងព្រះរាជាណាចក្រកម្ពុជា (Domestic Tour Operators) ។
៤-អាជ្ញាប័ណ្ណទេសចរណ៍ ផ្តល់ដល់ភ្នាក់ងារទេសចរណ៍
(Travel Agent) ។
យោងតាមឯកសារដដែលបញ្ជាក់ថា បុគ្គលដែលមានបំណងប្រកបអាជីវកម្មការីទេសចរណ៍
និងភ្នាក់ងារទេសចរណ៍ ឬបើកសាខា ត្រូវបំពេញសំណុំបែបបទ ឯកសារសំអាង និងព័ត៌មានមួយចំនួនដូចជា
៖ ត្រូវមានវិញ្ញាបនបត្របញ្ជាក់ពីការចុះឈ្មោះក្នុងបញ្ជីពាណិជ្ជកម្ម និងមានប្រាក់តម្កល់ធានាអាជីវកម្មពីធនាគារ
ដែលទទួលស្គាល់ដោយក្រសួងទេសចរណ៍ ។
ជាមួយគ្នានេះ
អ្នកដែលមានបំណងបើកក្រុមហ៊ុនផ្តល់សេវាកម្មក្នុងវិស័យនេះ
ក៏ត្រូវមានឯកសារមួយចំនួនផងដែរ ដូចជា ៖
១-លិខិតបញ្ជាក់ទីស្នាក់ការ
ឬកិច្ចសន្យាជួលផ្ទះ, កិច្ចសន្យារបស់ប្រតិបត្តិករទេសចរណ៍ក្នុងការប្រកបអាជីវកម្ម
។
២-អត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន (សម្រាប់ជនបរទេស) ។
៣-រូបថតម្ចាស់អាជ្ញាប័ណ្ណទេសចរណ៍ (៤x៦) ចំនួន៣សន្លឹក ។
២-អត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន (សម្រាប់ជនបរទេស) ។
៣-រូបថតម្ចាស់អាជ្ញាប័ណ្ណទេសចរណ៍ (៤x៦) ចំនួន៣សន្លឹក ។
បុគ្គលដែលស្នើសុំបន្តអាជ្ញាប័ណ្ណទេសចរណ៍សម្រាប់ការីទេសចរណ៍
និងភ្នាក់ងារទេសចរណ៍ (រួមទាំងសាខា)ត្រូវបំពេញសំណុំបែបបទរួមទាំងឯកសារសំអាង
និងព័ត៌មានមួយចំនួនដូចជា ៖
១-ត្រូវមានប្រាក់តម្កល់ធានាអាជីវកម្មពីធនាគារ
ដែលទទួលស្គាល់ដោយក្រសួងទេសចរណ៍ ។
២-អាជ្ញាប័ណ្ណទេសចរណ៍ច្បាប់ដើម ។
៣-របាយការណ៍សកម្មភាពអាជីវកម្មឆ្នាំមុន។
៤-កិច្ចសន្យារបស់ប្រតិបត្តិករទេសចរណ៍ក្នុងការប្រកបអាជីវកម្ម ។
៥-រូបថតម្ចាស់អាជ្ញាប័ណ្ណទេសចរណ៍ (៤x៦) ចំនួន៣សន្លឹក ។
២-អាជ្ញាប័ណ្ណទេសចរណ៍ច្បាប់ដើម ។
៣-របាយការណ៍សកម្មភាពអាជីវកម្មឆ្នាំមុន។
៤-កិច្ចសន្យារបស់ប្រតិបត្តិករទេសចរណ៍ក្នុងការប្រកបអាជីវកម្ម ។
៥-រូបថតម្ចាស់អាជ្ញាប័ណ្ណទេសចរណ៍ (៤x៦) ចំនួន៣សន្លឹក ។
ចំពោះប្រាក់តម្កល់ធានាការប្រកបអាជីវកម្មការីទេសចរណ៍
និងភ្នាក់ងារទេសចរណ៍ ត្រូវបានកំណត់ទៅតាមវិសាលភាព និងទំហំអាជីវកម្មដូចជា
៖
-អាជ្ញាប័ណ្ណទេសចរណ៍
ផ្តល់ដល់ការីទេសចរណ៍ ដែលនាំភ្ញៀវទេសចរទៅកម្សាន្តក្រៅព្រះរាជាណាចក្រកម្ពុជា
(Outbound Tour Operators) ត្រូវតម្កល់ប្រាក់៧.០០០ដុល្លារអាមេរិក
។
-អាជ្ញាប័ណ្ណទេសចរណ៍
ផ្តល់ដល់ការីទេសចរណ៍ដែលនាំភ្ញៀវទេសចរចូលមកកម្សាន្តក្នុងព្រះរាជាណាចក្រកម្ពុជា
(Inbound Tour Operators)ត្រូវតម្កល់ប្រាក់៥.០០០ដុល្លារអាមេរិក
។
-អាជ្ញាប័ណ្ណទេសចរណ៍
ផ្តល់ដល់ការីទេសចរណ៍ដែលនាំភ្ញៀវទេសចរកម្សាន្តក្នុងព្រះរាជាណាចក្រកម្ពុជា
(Domestic Tour Operators) ត្រូវតម្កល់ប្រាក់៥.០០០ដុល្លារអាមេរិក
។
-អាជ្ញាប័ណ្ណទេសចរណ៍
ផ្តល់ដល់ភ្នាក់ងារទេសចរណ៍ (Travel Agent) ត្រូវតម្កល់ប្រាក់២.០០០ដុល្លារអាមេរិក
៕
________________________________________________________________________________
Tell: 099 35 55 52 / 099 64 65 65 / 097 35 555 52 / 066 35 55 52 / 060 35 55 52 / 068 35 55 52
Address : 62Z, St. Preas Sihaknuk, Sangkat Tonle Basak, Khan Chamkarmorn, Phnom PenhEmail: bestsolutions@dnkservice.com
Fb page: DNK Business Consultant
0 comments:
Post a Comment